فقدت الفنانة اللبنانية نيكول سابا كلبتها كوكي التي تربّيها منذ 15 سنة، ونعتها عبر حسابها الرسمي بموقع “انستغرام” بكلمات بمرثية طويلة ومؤثرة وكأنها تودع أعز الأصدقاء أو الأقرباء..
وشاركت نيكول سابا صورة الكلبة عبر حسابها الرسمي وعلقت قائلة: “الإنسان الحقيقي يلّي عندو مشاعر حقيقية وحساسة وعالية بيزعل لما بيخسر حيوان ربّاه سنين طويلة مثل ما بيزعل لما يخسر إنسان قريب منو.. وما رح يفهم ويقدّر مشاعري وزعلي الا يلي ربّى حيوان وعاش معه عمر وعرف قديش بكون أوفى وأصدق من كتير بني أدمين”.
وأضافت نيكول سابا: “مافيني قول غير انو لما بتخسر حيوان عاش معك أكتر من 15 سنة وربّيتو من كل قلبك وعيّشتو عزّ مثل ما بقولو بالطول والعرض ما بكون ضميرك الا مرتاح.. وكمان بقولو انو الكلب بياخد من صاحبو طباعو وانتي كنتي مليانة طاقة وحسّ وحياة وخجل.. ف ما الي الا بادل كل العزّ والتقدير لكائن بكون وفيّ إلك كل لحظة وبيعطيك بلا “مقابل”.
وتابعت: “بيعطيك استقبال حلو كل ما بتفوت على بيتك.. بيعطيك احساس بالإيجابية وبالحنّية والحب وبعيش كل لحظة معك بحلوها وبمرّها.. ومن دون” مقابل”.. .اهمّ شي.. وهاي مستحيل تلاقيها عند البني آدم، لهيك بدّي قلّك يا كوكي اني ممتنّة لكل هالمشاعر المجّانية يلّي عطيتيني ياها.. وانا عشت معك كل لحظة ألم ما قبل وما بعد فقدانك”.
وكانت نيكول سابًا طرحت مؤخرًا أغنية “فيلينج كول”، بطريقة الفيديو كليب، على موقع يوتيوب ومنصات الأغانى، وهي من كلمات مصطفى حسن، وألحان مصطفى العسال، وميكس وماستر أماديو، واحتفل فريق عمل الأغنية بعد طرحها بعيد ميلاد نيكول وحرصوا على إحضار تورتة والاحتفال بهذه المناسبة، كما طرحت أغنية بعنوان “سمك القرش” على موقع “يوتيوب”، وهي من كلمات عبد الرحمن عاصم وتوزيع أمين نبيل وألحان كريم عاشور وإخراج جاد شويري.
